ငွေကြေးဝန်ဆောင်မှုများမှသည် စွမ်းဆောင်ရည်ပြည့်ဝသော မိသားစုများနှင့် တိုးတက်ပြောင်းလဲလာသော လူမှုဘဝများဆီသို့
မြန်မာ
မြန်မာနိုင်ငံရှိ အကြီးမားဆုံး အသေးစားငွေရေးကြေးရေးအဖွဲ့အစည်းများထဲမှ တစ်ခုဖြစ်သည့် ဗွီးရှင်းဖန်း(ဒ်)မြန်မာသည် ၁၉၉၈ ခုနှစ်မှစတင်၍ နိုင်ငံတစ်ဝှမ်းတွင် ကျယ်ပြန့်စွာ လုပ်ငန်းများလုပ်ကိုင်လျက်ရှိပါသည်။ ပြည်နယ်နှင့် တိုင်းဒေသကြီး ၁၂ ခုရှိ မြို့နယ်စုစုပေါင်း ၇၂ ခုတွင် ဝန်ထမ်းအင်အား ၅၀၀ ကျော်ဖြင့် လုပ်ငန်းများ ဆောင်ရွက်လျက်ရှိသည်။ ထိခိုက်လွယ်သော လူမှုအသိုင်းအဝိုင်းများနှင့် ကျေးလက်ဒေသများတွင် စီးပွားရေးအခွင့်အလမ်းများကို မြှင့်တင်ပေးရေး၊ အိမ်ထောင်စုများဝင်ငွေတိုးရေးနှင့် ကလေးငယ်များ၏ ကျန်းမာပျော်ရွှင်မှုကို မြှင့်တင်နိုင်ရေး တို့ကိုရည်ရွယ်လျက် ဝင်ငွေနည်းပါးသော အိမ်ထောင်စုများအတွက် ငွေကြေးဝန်ဆောင်မှုများနှင့် အသက်မွေးဝမ်းကြောင်းမှုဆိုင်ရာ ဖြေရှင်းလုပ်ဆောင်နည်းများကို ပံ့ပိုးကူညီဆောင်ရွက်ပေးလျက်ရှိသည်။ ကျွန်ုပ်တို့နှင့် လက်တွဲလုပ်ကိုင်နေသော အဖွဲ့အစည်းများနှင့်အတူ ကျွန်ုပ်တို့၏ဝန်ဆောင်မှုများကို ပံ့ပိုးလုပ်ဆောင်ပေးလျက် ရှိပါသည်။ ကျွန်ုပ်တို့သည် ၂၀၃၀ ပြည့်နှစ်တွင် ဆင်းရဲမွဲတေမှုပပျောက်ရေးအတွက် အားလုံးနှင့်အတူတူ ကြိုးစားလုပ်ဆောင်သွားမည်ဖြစ်သည်။
ကျွန်ုပ်တို့၏ မျှော်မှန်းချက်၊ ရည်မှန်းချက်နှင့် စံထားသောတန်ဖိုးများ
ကျွန်ုပ်တို့၏ ရည်မှန်းချက်
ကလေးငယ်များတွင် တောက်ပသော အနာဂတ်ရှိသည်ဟု ကျွန်ုပ်တို့ယုံကြည်ပါသည်။
၀င်ငွေနှင့် အလုပ်အကိုင် ဖန်တီးပေးရန်အတွက် မိသားစုဝင်များကို စွမ်းအားမြှင့်တင်ပေးရန်
ရပ်ရွာလူထု တိုးတက်အောင်မြင်လာစေရန်အတွက် အလားအလာရှိသော စီးပွားရေး အခွင့်အလမ်းများ ဖန်တီးပေးရန်
ကျွန်ုပ်တို့၏စံထားသောတန်ဖိုးများ
ကျွန်ုပ်တို့သည် ခရစ်ယာန်လူမှုအဖွဲ့အစည်းဖြစ်သည်
ကျွန်ုပ်တို့သည် ဆင်းရဲသားလူတန်းစားများအတွက်ဖြစ်သည်
ကျွန်ုပ်တို့သည် လူသားများကိုတန်ဖိုးထားသည်
ကွန်ုပ်တို့သည် ဘဏ္ဍာထိန်းများဖြစ်သည်
ကျွန်ုပ်တို့သည် လုပ်ဖော်ဆောင်ဖက်များဖြစ်သည်
ကွန်ုပ်တို့သည် အရေးတယူဆောင်ရွက်သည်
ဗွီးရှင်းဖန်း(ဒ်)မြန်မာရဲ့ ၂၅ နှစ်တာခရီး
Chief Executive Officer
Mai Mya Mya Win
စိန်ခေါ်မှုတွေများတဲ့ ခရီးလမ်းတစ်လျှောက်မှာ ဗွီးရှင်းဖန်း(ဒ်)မြန်မာဟာ လေ့လာသင်ယူမှုတွေ၊ တည်ငြိမ်ရင့်ကျက်မှုတွေနဲ့ လိုက်လျောညီထွေမှုတွေရှိအောင် လုပ်ဆောင်ခဲ့ပါတယ်။ ဒီနေ့မှာတော့ ဗွီးရှင်းဖန်း(ဒ်)မြန်မာရဲ့ အနာဂတ်အတွက် ကျွန်မတို့ရဲ့မျှော်မှန်းချက်တွေကို ဂုဏ်ယူစွာနဲ့ မျှဝေလိုက်ချင်ပါတယ်။ ဗွီးရှင်းဖန်း(ဒ်)မြန်မာအနေဖြင့် အသင်းသားဗဟိုပြုတဲ့ ဝန်ဆောင်မှုများမှတစ်ဆင့် ရပ်ရွာလူထုအပေါ်မှာ နက်ရှိုင်းကျယ်ပြန့်တဲ့ အကျိုးသက်ရောက်မှုတွေရရှိစေဖို့ ကတိပြုပါတယ်။ ဝန်ထမ်းတွေရဲ့ စွမ်းဆောင်ရည်တွေကို ပိုမိုကောင်းမွန်လာအောင် ရင်းနှီးမြှုပ်နှံပြီး ကျွန်မတို့ရဲ့ လုပ်ငန်းဆောင်ရွက်မှုတွေကို ပိုမိုအားကောင်းလာအောင် ကြိုးစားဆောင်ရွက်နေပါတယ်။ အဲဒီအပြင် ဗွီးရှင်းဖန်း(ဒ်)မြန်မာအနေနဲ့ လုပ်ငန်းလည်ပတ်မှုအပိုင်းနဲ့ ငွေပေးချေမှုတွေအတွက် ဒစ်ဂျစ်တယ်စနစ်အသွင်ကူးပြောင်းဖို့ကိုလည်း အခိုင်အမာကြိုးစားအားထုတ်နေပါတယ်။ စိန်ခေါ်မှုတွေကို အတူတကွကျော်လွှားပြီး လေ့လာသင်ယူမှုတွေ၊ ဖွံ့ဖြိုးမှုတွေနဲ့ ရှင်သန်ရပ်တည်နိုင်မှုတွေကို ဆက်လက်လုပ်ဆောင်ကြပါမယ်။
ဗွီးရှင်းဖန်း(ဒ်)မြန်မာရဲ့ ယခုလိုခရီးလမ်းတစ်လျှောက်မှာ ပါဝင်ပေးကြတဲ့ ကျွန်မတို့ရဲ့အသင်းသားတွေ၊ ဝန်ထမ်းတွေနဲ့ မိတ်ဖက်အဖွဲ့အစည်းတွေကိုလည်း အထူးပင်ကျေးဇူးတင်ကြောင်း ပြောကြားချင်ပါတယ်။
People and Culture Director
Lian Huai
ဗွီးရှင်းဖန်း(ဒ်)မြန်မာမှာ စံတန်ဖိုး ၆ ခုရှိပြီး “လူသားများကိုတန်ဖိုးထားခြင်း” သည်လည်း အရေးကြီးတဲ့အချက်တစ်ခု ဖြစ်ပါတယ်။
“လူသားများကိုတန်ဖိုးထားခြင်း” ဆိုသည်မှာ လေးစားမှုရှိခြင်း၊ အားလုံးပါဝင်နိုင်မှုနှင့် အတူတကွ ပူးပေါင်းဆောင်ရွက်ခြင်း ဆိုတဲ့ယဉ်ကျေးမှုကို မြှင့်တင်ခြင်းဖြစ်ပါတယ်။ ဝန်ထမ်းတွေရဲ့ မတူညီတဲ့နောက်ခံအခြေအနေတွေ၊ စွမ်းရည်တွေနဲ့ ရှုမြင်ပုံတွေဟာ ကျမတို့ရဲ့အဖွဲ့အစည်းကို ပြည့်ဝစေပြီး ကျွန်မတို့ကို သန်မာလာစေတဲ့ အဲဒီမတူကွဲပြားမှုအတွက်လည်း ဂုဏ်ယူမိစေပါတယ်။ မတူညီကွဲပြားမှု၊ အားလုံးပါဝင်မှုနဲ့ ကျား/မတန်းတူညီမျှမှုတွေကို မြဲမြံစွာယုံကြည်ပြီး ဗွီးရှင်းဖန်း(ဒ်)မြန်မာဝန်ထမ်းတွေဟာ ချမှတ်ထားတဲ့စံတန်ဖိုးတွေနဲ့အညီ လုပ်ဆောင်ရုံသာမက ပိုမိုအားကောင်း၊ ပိုမိုဆန်းသစ်ပြီး ပိုမိုကြံ့ခိုင်တဲ့ ဗွီးရှင်းဖန်း(ဒ်)မြန်မာကို တည်ဆောက်နေပါတယ်။
“လူသားများကိုတန်ဖိုးထားခြင်း” ဆိုတဲ့စံတန်ဖိုးကို လုပ်ငန်းခွင်ထက်ကျော်လွန်ပြီး ဗွီးရှင်းဖန်း(ဒ်)မြန်မာဟာ မိမိတို့ဝန်ဆောင်မှုပေးနေတဲ့ လူမှုအသိုက်အဝန်းတွေမှာရှိသူများရဲ့ ဘဝတွေကို ပြောင်းလဲမှုများဖြစ်စေရန်အတွက် အဓိပ္ပာယ်ရှိတဲ့အစပြုမှုများလုပ်ဆောင်လျက် ဘဏ္ဍာထိန်းကောင်းအဖြစ် ကြိုးစားလုပ်ဆောင်နေပါတယ်။ ကျမတို့ရဲ့ဝန်ထမ်းတွေဟာ ဗွီးရှင်းဖန်း(ဒ်)မြန်မာရဲ့ ဆင်းရဲနွမ်းပါးသူများကို ကူညီလုပ်ဆောင်မှုတွေမှာ အောင်မြင်မှုများရဲ့နောက်ကွယ်က အကြောင်းအရင်းဖြစ်ပါတယ်။ အဲဒါဟာ တန်ဖိုးထားရတဲ့ ဗွီးရှင်းဖန်း(ဒ်)မြန်မာဝန်ထမ်းတွေရဲ့ ဂရုစိုက်မှုနဲ့ အရည်အသွေးမြင့်ဝန်ဆောင်မှုများကြောင့် အောင်မြင်ခဲ့ရခြင်းဖြစ်ပါတယ်။
ဗွီးရှင်းဖန်း(ဒ်)မြန်မာရဲ့ ကတိကဝတ်ဟာ လူတိုင်းကိုတန်ဖိုးထားပြီး အကောင်းဆုံးပါဝင်ခွင့်ရရှိနိုင်တဲ့ ပတ်ဝန်းကျင်ကို ဆက်လက်တည်ဆောက်ရန်နဲ့ ကျမတို့ရဲ့အသင်းသားတွေ၊ ရပ်ရွာလူထုနဲ့ ဝန်ထမ်းတွေအားလုံးဟာ အတူတကွစုံလင်ပြည့်ဝတဲ့ ဘဝများရရှိစေရန် ဖြစ်ပါတယ်။
Our Partners
Alterfin
Fondation Grameen
YOMA BANK
MAB
Livelihoods and Food Security Fund
BlueOrchard
BIO
Cordaid
Symbiotics
ThitsaWorks
Opportunity International
MFAT
Helvetas Myanmar
DFAT
World Vision
Client Impact Stories
စားနပ်ရိက္ခာဖူလုံရေးအတွက် မိသားစု စိုက်ပျိုးရေးနှင့် ကျေးလက်ကုန်စုံဆိုင်
“ကြံတွေနဲ့ ငှက်ပျောတွေကို အရင်က ဝယ်လက်တွေဆီကို ပို့ပေးနိုင်ပေမဲ့ ကိုဗစ်ကာလကျတော့ အဲဒါတွေလဲ မပို့နိုင်တော့ဘူး။ အဲဒီတော့ ကိုယ့်ဘာသာပဲ အဲဒါတွေကို ကြိတ်ပြီး အသီးဖျော်ရည် လက်လက်ဆက်ဆက်လုပ်ရောင်းတယ်။” ဆိုပြီး မငြိမ်းက ကိုဗစ်ကာလအတွင်းလုပ်ငန်းအတွေ့အကြုံကို ရှင်းပြပါတယ်။ ကိုဗစ်ကာလအတွင်း ရပ်ရွာလူထုနဲ့မိသားစုတွေ ကြံ့ကြံ့ခံရင်ဆိုင်နိုင်ရန်အတွက်ဗွီးရှင်းဖန်း(ဒ်)မြန်မာရဲ့ စွမ်းဆောင်မှုတွေကိုဒီဗွီဒီယိုမှာ ကြည့်ရှုလိုက်ပါ။
ရိုးရာအပြင်အဆင်နှင့် ခေတ်မီဆန်းသစ်မှု ပေါင်းစပ်တီးမှုမှသည် ကောင်းမွန်သောစီးပွားရေးဆီသို့
ခက်ခဲတဲ့ကာလအတွင်း သူတို့ရဲ့လုပ်ငန်းလျင်မြန်စွာတိုးတက်လာဖို့ အသေးစားဖွံ့ဖြိုးရေးချေးငွေက များစွာအထောက်အကူဖြစ်ပြီး စီးပွားရေးလမ်းညွှန်လေ့ကျင့်ပေးမှုတွေအတွက်ကိုလည်း နားလည်လက်ခံကြပါတယ်။ အထူးသဖြင့် လမ်းညွှန်လေ့ကျင့်ပေးမှုတွေကို တန်ဖိုးထားလိုက်နာဆောင်ရွက်ခဲ့ပါတယ်။ “ကျွန်တော်တို့ မသိရှိနေတဲ့ အတွေ့အကြုံတွေ၊ လျှောက်လှမ်းမှုတွေ၊ အောင်မြင်မှုတွေနဲ့ ရုန်းကန်မှုတွေကို အခြားသော အသေးစားစီးပွားရေးလုပ်ငန်းလုပ်နေသူတွေဆီကနေ လေ့လာဖို့အတွက် အခွင့်အရေးရခဲ့ပါတယ်” ဟု ကျော်လင်းက ရှင်းပြပါတယ်။
စိန်ခေါ်မှုများကြားမှ အောင်မြင်ခဲ့သောမွေးမြူရေးလုပ်ငန်း
ဗွီးရှင်းဖန်း(ဒ်)ချေးငွေများမှတစ်ဆင့် မဥမ္မာသည် သူ၏သစ်သားဝက်ခြံလေးအား ကွန်ကရစ်ခင်းထားသည့် ဝက်ခြံအသစ်အဖြစ် ဆောက်လုပ်နိုင်ခဲ့ပြီး ဝက်အကောင်ရေကို ပိုမိုတိုးချဲ့မွေးမြူနိုင်ခဲ့ကာ မိသားစုဝင်ငွေလည်း တိုးတက်လာပါသည်။
မိခင်တစ်ယောက်၏ခွန်အား
“ကျွန်မလုပ်ငန်းကတော့ ပြန်စနေပါပြီ။ ကျွန်မဝါသနာပါတဲ့ ပန်းစိုက်ပျိုးခြင်းကို ပြန်လုပ်ရတဲ့အတွက် အရမ်းဝမ်းသာတယ်။ ပန်းလုပ်ငန်းကို ပြန်စနိုင်တာတစ်ခုတည်းမဟုတ်ဘဲ မြေဧက တစ်ဧက ကနေ နှစ်ဧကိုပါ ထပ်တိုးချဲ့ လုပ်ကိုင်နိုင်ခဲ့ပါတယ်။ ချေးငွေကို လုပ်ငန်းအတွက်လိုအပ်တဲ့ မြေသြဇာ၊ ပိုးသတ်ဆေးနဲ့ စိုက်ပျိုးရေးသုံးပစ္စည်းတွေအတွက် ရင်းနှီးထားတယ်။ တစ်ချိန်တည်းမှာပဲ အချို့ကို ဝက်ခြံဆောက်ဖို့အတွက် သုံးလိုက်ပါတယ်။”ဟု မငွေသီက ပြောပါတယ်။